……………… राहिले 

माझी व्यथा मी कुणालाच सांगितली नाही
मी कधीच कुणाची मदत मागितली नाही
आतल्या आत होरपळतच राहिले 

मला समजुन घेण्यासाठी बरीच मने जवळ आली 
पण मी माझे मन हलके केले नाही 
माझी दु:ख मी कुरवाळतच राहिले 

जो जवळ यावा असे वाटले तो आलाच नाही 
कदाचित तो माझा कधी झालाच नाही 
मी उगाचच भरकटत राहिले 

अश्रुंना वाट मी सापडूच दिली नाही 
त्यांनी अटोकाठ प्रयत्न केला पण 
मी त्यांना ही फसवतच राहिले 

मन माझे तसे अगदी स्वच्छंदी 
पण मी त्याला चौकटीत बांधून ठेवले 
उगाच नको ते नियम पाळतच राहिले

आता ठरवले आहे वर्तमानात जगायचे 
दर दिवशी एक नविन स्वप्न बघायचे 
आज जाणवतय मागे बरेच कIही राहिले